Tilstandsrapport for høgare yrkesfagleg utdanning 2025

Tilstandsrapporten for høgare yrkesfagleg utdanning blir kvart år utarbeida av Direktoratet for høgare utdanning og kompetanse (HK-dir) på oppdrag frå Kunnskapsdepartementet. Tilstandsrapporten er brukt som grunnlag for styring og forvalting, og av sektoren sjølv.

Database for statistikk om høgare utdanning (DBH-HYU) er den primære kjelda for tala i rapporten. Det vert òg nytta tal frå Statistisk sentralbyrå. Data som blir presenterte i tilstandsrapporten er kvalitetssikra og sett i samanheng, og rapporten beskriv fagskulesektoren i tal og analyser om studentar, fagskular, utdanningstilbod og økonomi for 2024.

Vi arbeider kontinuerleg med utvikling av rapportane, slik at dei er tilpassa ein sektor i vekst og endring. Sektorbiletet fyrst i rapporten viser nasjonale nøkkeltal frå dei siste tre åra innan dei ulike områda rapporten dekker. Sist i rapporten finn ein sektorbilete og eit utval nøkkeltal om fagskulesektoren i kvart av dei ulike fylka. I vedlegg finn ein ytterlegare statistikk og omtale av kvart fylke.

Vi takkar våre kollegaer ved avdeling for data og statistikk for godt samarbeid. Dei har vore ansvarlege for å hente ut og klargjere data frå Database for statistikk om høgare yrkesfagleg utdanning (DBH-HYU). Analysane og sjølve rapporten er utarbeidd som eitt samarbeid mellom tilsette ved avdeling for undersøkingar og analyse, og avdeling for høgare yrkesfagleg utdanning.

HK-dir takkar Kunnskapsdepartementet for oppdraget og for tilbakemeldingar undervegs i prosessen.